風水客戶案例 – 鼎燦催財法 

 8 3 月, 2024

By  玄燊

舊年年中嗰陣,有一個舊客戶嚟搵我揀日催旺,希望佢事業有所進步。我精挑細選咗一個吉日,幫佢選咗個時間做咗個鼎燦催財法嘅儀式。好快手,佢就搵到份工,個個都戥佢開心。

但好景不長,呢位客戶開始嫌三嫌四,話份工做得辛苦,人工又唔高。後來,老闆娘講,可以加人工,仲將工時改短到5日半。點知,佢又同老闆鬧交,話個老闆娘說話唔作準,結果就一怒之下辭職,返屋企做動畫設計接單。

我一向跟進客戶既習慣,關心吓啲風水布局/法術效果。喺1月初,我問佢嗰陣,佢同我講,屋企經濟情況麻麻,佢希望再搵到一份工。於是我再次幫佢做多次鼎燦催財法,叫佢喺廳嘅正西方位擺放紅色蠟燭,做完法術再去廁所沖水8次。

以上是客人分享給我的照片,照片中是客人風水擺設的實景圖 – 電子蠟燭。

咁啱,大約兩星期後,佢同我講,有間公司約咗佢見工。去完一次之後,仲要繼續等下一輪面試,依家社會人心浮動,搵工真係要花好多時間。我見佢個勢頭唔錯,再次幫佢做咗個奇門擇日法術,叫佢喺房嘅正南方床頭位擺風水物件,到咗特定時間就拎走。

點知,佢2月18號再去見工嗰次,老闆竟然叫佢個人工由原本嘅1.5萬蚊,加到1.8萬蚊。佢呢吓即刻搵我商量,我初頭都懷疑係咪有咩問題。結果,佢2月19號下晝就收到通知,佢順利通過面試,仲要條件極之優厚,公司專登畀咗佢一間獨立工作室,仲話畀佢有設計上嘅自主權。

鼎燦催財法係古代魯班一脈嘅風水師專門為商賈打造,用嚟催旺財運。古時需要係特定方位開個洞,安裝風車及火盆,就可以催旺整體財運,特別有利於合作、合夥,仲容易招嚟橫財、偏財。但呢套催財法機關設計繁瑣,需日夜照看,一般平民難以承擔。到了現代﹐隨時可以轉用電子蠟燭﹐就可以催財。

我特別強調,呢個法門一定要完全掌握日辰時辰理氣嘅變化,而且唔可以自己亂改,否則可能會弄巧成拙。各位朋友,如果你哋都想催旺財運,不妨試吓八卦了解呢個催財法,不過記住一定要跟足步驟,唔好自己亂改。

0 结果

玄燊


Your Signature

Leave a Reply

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
>